Ձևավորված գեղեցիկ ավանդույթի համաձայն՝ կրթահամալիրի աշակերտները նախորդ ուսումնական տարում ոչ միայն մայրենի լեզվի, այլ օտար լեզուների և բնագիտության բնագավառներում լուրջ հաջողություններ գրանցելու, ստացած ձեռքբերումների, կրթական տարբեր հարթակներում «Վարդանանք» կրթահամալիրի անունը հնչեցնելու համար արժանացան շնորհակալագրերի։
Մեր սաներին գերմաներենի, անգլերենի, ռուսերենի իմացության A1,A2,B1,B1,C1 մակարդակներում միջազգային քննությունների վկայականներ հանձնեցին Հայաստանում «Գյոթե» կենտրոնի տնօրեն Իրիս Իուբելին, «Cambridge» կազմակերպության պաշտոնական ներկայացուցիչ «Pass» կենտրոնի միջազգային քննությունների կազմակերպիչ Լիանա Խաչատրյանը, իսկ «Умный мамонтёнок» միջազգային օլիմպիադայի 1-ին, 2-րդ , 3-րդ կարգի վկայականները հանձնեց դպրոցի տնօրեն՝ Շուշան Զաքարյանը։
Գեղեցիկ միջոցառումն ամփոփեց կրթահամալիրի հիմնադիր Գայանե Սողոմոնյանը , ով 2022-2023 ուստարվա տարեվերջյան մանկավարժական խորհրդի որոշմամբ «Լավագույն ուսուցիչ» տիտղոսը շնորհեց բնագիտամաթեմատիկական ամբիոնի ղեկավար, քիմիայի ու կենսաբանության ուսուցիչ՝ Գայանե Մուրադյանին։
Շնորհակալություն կրթահամալիրի ուսուցչական համակազմին, մեր աշակերտների գրանցած հաջողությունների համար։
Վարդանանքցու հաջողություններն ամրագրվում են ուսուցչի նվիրված աշխատանքի շնորհիվ:
