Նոյեմբերի 29-ին ԵՊՀ Մանկավարժության և կրթության զարգացման կենտրոնի (ՄԿԶԿ) և «Վարդանանք» կրթահամալիրի միջև ստորագրվեց համագործակցության հուշագիր՝
ի դեմս Մանկավարժության և կրթության զարգացման կենտրոնի տնօրեն պրոֆեսոր Նազիկ Հարությունյանի և «Վարդանանք» կրթահամալիրի տնօրեն Շուշան Զաքարյանի։
Կողմերը փոխադարձության սկզբունքով պատրաստակամություն հայտնեցին աջակցել միմյանց և փոխշահավետ ծրագրերի իրականացման եղանակներով համագործակցել ՄԿԶԿ–ի ուսանողների, մագիստրանտների, շրջանավարտների, ասպիրանտների, հայցորդների մասնագիտական առաջընթացի և գործատու կազմակերպությանը՝ որակյալ մասնագետներով համալրելու խնդիրների լուծման շրջանակում։ Կողմերը հանդես եկան համագործակցության վերաբերյալ առաջարկներով։ Որոշվեց՝ կազմակերպել և անցկացնել կոնֆերանսներ, սեմինարներ, մասնագիտական և մանկավարժական պրակտիկա, կլոր սեղաններ, խորհրդակցություններ և այլ միջոցառումներ, ինչպես նաև համագործակցել տարբեր նախաձեռնությունների և ծրագրերի իրականացման շրջանակում, իրականացնելով տեղեկատվության փոխանակում։
