«Վարդանանք» կրթահամալիրի 2-րդ դասարանում կազմակերպվել էր ինտեգրված դաս՝ «Մայրենի» և «Շախմատ» առարկաներից (դասվար՝ Լ․ Ծատուրյան, շախմատի ուսուցիչ՝ Ա․ Գասպարյան)։ Դասի թեման էր՝ «Աշխարհահռչակ շախմատիստը»։
Երկու դասաժամ, չթուլացող հետաքրքրությամբ, սովորողները դասանյութը համակողմանիորեն քննարկեցին, անվանեցին խաղաքարերը, բնութագրեցին դրանք նշելով՝ ինչ դեր ունեն «Շախմատային պալատում», ինչ հատկանիշներ ունեն, ինչ քայլեր կարող են անել, ներկայացրին երկխոսություններ, կատարեցին եզրակացություններ։ Կարևորեցին անձնային այն որակները, որոնք կյանքում պետք են հաջողություն գրանցելու համար։
Խմբային աշխատանքի միջոցով ներկայացրին շախմատի վերաբերյալ պատրաստած հաղորդումը, ցուցադրեցին շախմատային խաղի դրվագներ, գրանցեցին արդյունքները աղյուսակի միջոցով:
