Փետրվարի 27-ին «Վարդանանք» կրթահամալիրի հանդիսությունների դահլիճում թևածում էին 11-րդ դասարանի աշակերտ, երիտասարդ ստեղծագործող Արմեն Մամյանի բանաստեղծությունները։
Դրանք սիրով, հպարտությամբ և մեծ պատասխանատվությամբ ընթերցում էին նրա դասընկերները՝ փոխանցելով Արմենի խոսքի ուժն ու զգացմունքի խորությունը։
Հատուկ շնորհակալություն ենք հայտնում հայ գրականագետ, Համահայկական գրողների միության նախագահ, բանասիրական գիտությունների թեկնածու Աբգար Ափինյանին՝ երիտասարդ ստեղծագործող
Արմեն Մամյանին նկատելու և «Հայրենիքի ձայն» ամսաթերթում տպագրվելու հնարավորություն ընձեռելու և անկեղծ ու ջերմ մթնոլորտում աշակերտներին հուզող հարցերին պատասխանելու համար։ Անվանի գրականագետի այս խոսքերը աշակերտներն ընդունեցին որպես պատգամ.,,Եթե ձեր մեջ ձեր ուսուցիչը խոսեց, դուք կդառնաք տաղանդ…,,։
Արմենին մաղթում ենք ստեղծագործական նոր բարձունքներ, անսպառ ներշնչանք և գրական հաջողությունների հարուստ ճանապարհ։
